蘇施黃（阿蘇）、關心妍（Jade）與馮曦妤等昨日到新城祝賀陳少寶有份主持的節目《還看今天》，陳少寶與阿蘇識於微時，曾組成6pair半出碟。
阿蘇特別送上蛋糕、自製的紅雞蛋給陳少寶，阿蘇還取笑少寶：「你睇佢肥到眼袋大過胸，個面啲肉又鬆晒，少寶真係唔可以做幕前，我都唔會畀佢上我嘅節目。」問阿蘇有否想過再做電台？她坦言：「都想o架，咁多工作，覺得最enjoy都係電台，有人請我咪做囉。」
Jade宣傳性教育
此外，Jade經理人合約還未傾妥，現在忙於做一些社會工作，到不同學校宣傳性教育，她說：「家有好多學生對性好奇，啲女仔有咗又唔知點處理，我已經做咗人老婆，又上咗啲性教育堂，希望可以幫到佢哋。」
採訪、攝影：胡比