阿士東維拉嘅英格蘭前鋒希斯基係英國佬嘅印度神油，每當佢哋喺床上到咗決勝時刻，只要諗起佢可繼續金槍不倒？英國最近做咗個有關男人持久力嘅調查，問佢哋有乜方法延長搞嘢時間，結果唔少人都係用分散注意力呢個方法。十居其九仲話其實諗起希斯基，就唔會咁快玩完，亦有人答阿仙奴或者火車頭Thomas。
性健康專家尹艾菲醫生話：「男人喺搞嘢時諗其他唔關事嘅嘢，的確可以令佢哋喺床上冇咁快玩完；講真，我都好奇點解啲男人喺決勝時刻，會諗起希斯基。」希斯基初出道被認為似拳手般奴，俾人好有力量嘅感覺，或者係咁就做咗英國佬嘅幻想對象；但醫生話冇科學根據，唔認同對增強持久力甚至早洩有幫助。不過既然咁多英國男人都係咁講，證明希斯基呢支天然印度神油真係勁啦！何況又唔使口服或者外服，全無副作用，所以我求大俠認為咁做無傷大雅。