Audi剛喺日內瓦車展Show咗架A0,又係以攻打如MINI般嘅細車市場為目標。寶馬亦同時出招,傳咗好耐,寶馬最低階入門車型終於曝光。呢款以數字0命名嘅全新車系,目標定位喺MINI以上、1系以下,即係車價大約20-30萬之間。車價雖屬入門級,不過依然附有大量電子設備,如電子叉速、主動式懸掛系統等,不過引擎容積尚未公佈,估計都係細cc汽油及柴油引擎,而且計劃中仲有五門揭背及三門版,預計最快2012就會量產。