政制局局長林D9噚日見完終極普選聯盟後，循例都要講啲嘢，以示雙方有溝通。林D9講嘢前放低兩大張貓紙，八方現場見到貓紙上用鉛筆劃到花晒，明顯刪咗「2012進步」、「有信心」、「市民期望」等字眼。
但有八隻大字，林D9不但無刪到，仲特別用筆圈住，好明顯呢個先係重點，就係「繼續溝通，五月之內」，其中「五月之內」呢幾隻字仲要用筆狂underline，5.16公投之後又如何？真係佢至知。另外，有人建議政府將選委會人數擴大至1,500人，林D9卻喺「1500」上打大交叉，剩底「1200」呢個數字，八方相信接納建議機會好微。