鄭詩韻（Michelle）和陳鴻業（Alan）於09年結婚後火速造人，今年2月誕下愛兒陳淳熙（Ayden），前日是兒子雙滿月，兩人花費六位數字為愛兒在君悅開派對和設下晚宴，一班名人雲集，包括何超瓊、鄭裕彤和吳光正等。Michelle大讚兒子可愛成日笑，超瓊也讚B仔乖巧好抱。
鄭詩韻於2月底誕下兒子陳淳熙，前日她與丈夫陳鴻業在灣仔君悅酒店為兒子擺雙滿月派對及晚宴，共花費六位數字。他們下午宴請200多名家長和小朋友，晚上則設宴11圍，何超瓊、鄭裕彤、吳光正和李嘉慧一家等均畀面出席，場面熱鬧。
鄭詩韻想放假湊仔
Michelle首次為愛兒搞派對，將場地佈置成粉藍色調，並擺放多張兒子的大頭照片。Michelle接受訪問時難掩興奮喜悅心情，她說：「囝囝真係好乖，我哋3點已經去到，玩到10點，佢全日都好配合，成日笑。」
兒子現時已是13磅重的大隻B，Michelle也開始感受到湊仔的樂趣，她說：「個陪月呢個禮拜就走，我希望自己可以放多一個月假，可以湊吓佢，希望BB快高長大、身體健康，乖乖哋啦。」
問Michelle會否將兒子過契給何超瓊？她笑說：「大家冇正式提，因為大家輩份好亂，大家都叫Pansy（何超瓊）大家姐，我都唔知BB叫佢乜嘢先啱，但都應該叫AuntiePansy。Pansy抱BB手勢好好，佢仲讚BB好乖，話唔似我哋兩公婆，話係負負得正。」撰文：葉雪