南韓選手金妍兒（圖）喺冬奧花樣滑冰，展現優美技術破世績奪金，睇得全球觀眾如癡如醉，亦令花樣滑冰運動大受注目。呢項運動18世紀中期喺英國出現，1924年首屆冬奧成為比賽項目；花樣滑冰主要講求運動員喺比賽中展現技巧、藝術並重，動作主要包括旋轉、跳躍，評判依據完成動作、藝術美感作出評分。