車路士周日大開殺戒，主場7:0狂炒史篤城，做番英超「1哥」，對「風流波」史篤城其實無傷大雅，但對丹麥國家隊就認真頭痕。因為車仔前鋒沙洛文卡勞射入第2球時，踢傷客軍門將蘇連遜；蘇連遜事後證實手腕甩骹，今季肯定收「咧」，世盃都未知打唔打得。蘇連遜係丹麥一號門將，教練M奧臣可能被迫用哥登堡嘅甘基斯甸臣打正選；甘仔只效力歐洲3、4線聯賽，最出名竟然係上季打瑞超時，「吼」球證唔為意用腳踢龍門柱，令龍門面積細咗。世盃決賽周有無數對眼睇住，甘仔想再出貓就冇可能啦！