張栢芝預產期在即，聽聞狄波拉早已擇好吉日安排新抱入院剖腹生產，霆鋒為陪老婆而暫停工作。噚日霆鋒中午12點返咗舂坎角住所，助手幫佢喺車尾箱拎咗一大個行李篋，然後將架車駛近門口位置，霆鋒箭步入門口，全程背向大門，只係隱約見到佢戴咗黑超，約半個鐘之後，司機同助手就分別離開。