以現時內地樓市氣氛，唔少散戶根本好難說服到自己去炒內房股，不過換個角度問問自己，大陸人口袋越來越有錢，有無購買私人住屋需求？其實唔使問，一定有！
既然係有，地產發展商即唔愁無財路，一個物業涉及銀碼動輒幾百萬元，推售一個新項目涉資等閒都好多個億，所以其實內房股係一個盈利能力幾強板塊。
識炒股票都知，內房股呢一陣跌浪完全係受政策拖累，個別內房股最近一樣有推售新樓盤，而且銷售反應十分好。例如恒盛地產（845）上周推售旗下位於安徽省合肥市的新盤，首推200個單位唔使3個鐘就賣晒！
恒盛管理層早前透露，今年將有18個項目可供銷售，預期銷售收入達150億元人民幣，同比增長一倍多。公司目前擁有60億元人民幣現金，負債率僅6%左右，但未雨綢繆，擬將發票據集資，相信是藉地產淡市積蓄資本，以加速二線城市開發。樓市政策時鬆時緊，大可趁市淡時吼低收集行業優質股，恒盛應屬首選。
方星俠