港股上禮拜氣氛轉淡，內地推出新措施壓抑樓市炒風，港府照跟，財爺推出9招12式，成為港股下跌嘅藉口。不過，政府此舉係想理順市場，唔係想整冧佢，喺消息消化之後，港股應該可以重拾升勢。
上日花旗股市造好，歐洲個市定番，港股今日應該會反彈，恒指有機上試條20日線。
騰訊C輪20386：騰訊（700）上日報收161.90元，升2.5%，股價升破10日同20日線，仲有大成交，短線睇176.5元，可以諗吓隻C輪20386，隻輪現價19仙，2010年9月1日到期，行使價158元，溢價9.33%，引伸波幅44.82%，有效槓桿率5倍，正股升上176.5元，20386睇28.5仙，有5成升幅，正股跌穿155元就沽咗隻輪。
俊樺