繼前隊長泰利爆出搞前車路士隊友布歷治女友，搞到連英格蘭國家隊隊長都冇得做後，日前亦爆出現任隊長里奧費迪南，原來同一個31歲嘅室內設計師卡莉（CarlyStorey）有過一段13年嘅畸戀；卡莉話里奧好絕情，為咗做「負責任嘅隊長」，喺今年2月初獲委任後，連Goodbye都唔講就同佢分手。卡莉話呢10年嚟唔介意做里奧嘅性伴侶，縱使里奧同女友艾莉遜喺07年結婚後，兩人仲有偷偷歡聚。我求大俠覺得卡莉家爆料並唔合時，皆因曼聯同車仔爭英超冠軍鬥入直路，而世盃將至，球迷關心嘅都係里奧幾時傷癒復出，邊有時間理你喎！