【本報訊】「搭飛機都要返香港投票！」政制發展再次來到關鍵時刻，天主教香港教區榮休主教陳日君樞機昨日批評增加區議會功能組別議席的政改方案是民主倒退。他呼籲真正關心普選的選民，珍惜5.16公投這歷史上的特別機遇，以手中神聖一票向政府表態。他表示今次投票是投議題而非投人，「平時投開畀民主黨嘅，都希望會明白，今次要去投（票）。」
改意國行程返港投票
陳日君昨出席聖安德肋堂「公投是甚麼」研討會時透露，早計劃了5月初探訪非洲的慈幼會神學院，再轉往意大利米蘭及北部慈幼會發源地，月底才會返港。當他知道5月16日是五區補選變相公投的日子，決定更改行程，取消5月15日的「節目」，先從意大利返港投票，之後再飛返當地。
為投一票，78歲老人家風塵僕僕。陳日君解釋，這一票，義意重大。他指5.16公投是歷史上的特別機會，全因為有五位議員勇敢地站出來製造機會，讓香港人能對是否關心真正普選表態，「唔好浪費呢個機會。我就算作小小犧牲，都覺值得。」陳日君狠批增加立法會功能組別議席的政改方案「差過原地踏步，走歪咗，係荒謬。」
政府聲稱政改方案是民主進步，陳日君直言感到憤怒，「退步話進步，當我哋低能？」「（政府）叫尊重民意，民意喺邊度？佢哋強姦民意呀，要我哋話好舒服，多謝你呀？」
陳日君說，香港人惟有透過選票表態，告訴政府民意是希望取消功能組別，「你哋有機會出來講，你唔講的話，（等於）同意佢哋講嘢。」
「今次係投畀民主呀」
公民黨及社民連發動五區公投，陳日君坦言起初也擔心市民不明白公投概念，令議席有機會被搶走，後來也覺值得冒險。他提醒選民今次投票是投議題，不是選人。「我喺港島區係個靚女（指候選人陳淑莊），我覺得好可惜呀，因為我好想去長毛（新界東候選人梁國雄）度投票。」他續稱：「你哋唔鍾意長毛？今次唔係投畀長毛，係投畀民主呀。投民主黨嘅，希望明白，今次要去投。」
陳日君認為，5.16公投應可發揮力量，「家係要真正用你嘅權力投一票，感性方面應該（有）大啲作用」。樞機堅持為公投投下神聖一票，但特首曾蔭權對5.16會否投票卻立場含糊，陳日君笑說：「唔好理佢，哈哈哈！」隨即轉身離去。