許志安前晚到南京出席活動，當記者問起佢同鄭秀文舊情復熾一事，安仔話自己對感情事一向好低調，又話之前BigFour開演唱會，所有佢喜歡嘅人都有去。安仔咁講即係話當日有份捧場嘅鄭秀文係佢喜歡嘅人。近日BigFour擔任電視節目主持，安仔話做主持對佢嚟講係新挑戰，佢仲話唔介意邀請鄭秀文做嘉賓，但目前佢最想請嘅係陳奕迅。