一向是「現在台」的擁躉，有英超、西甲、意甲和NBA等節目可看，基本上已滿足了對體育節目的胃口。有時遇上歐洲足球大戰，多數相約好友到酒吧睇波，或到對面街的茶餐廳花上25元（最低消費），和一班街坊邊「問候」邊睇波，也是宣洩壓力的好方法。
至於NBA呢？單是每個周末在ESPN睇波當然不夠，幸好網上尚有大量睇波方法；以朋友推介的直播吧為例（ http://www.zhibo8.com/），
入到首頁，就見到未來一周的直播清單，詳列了內地各個電視台的連結，只要裝好插件，不消5分鐘就有波睇。雖然質素一般，但尚可接受；不過看得久了，眼還是會花。可惜NBA官網的internationalLEAGUEPASS未普及到香港，不然就方便得多。
有時決定看那個電視台，評述員的質素也是重要指標。不比文字傳媒有時間去消化新聞，現場講波要求往往更高：賽前要做足資料搜集、鏡頭下要即場分析、見到嘉賓要講出姓名、訊號中斷時要懂得執生，適當時候還要講講笑講講時事；真是台上一分鐘、台下十年功。相比香港，國內評述始終不對胃口，像早前看廣東台，就連基本的技術犯規和故意犯規也弄錯，叫人氣結。
為了即將來臨的世盃，以及來季的英超，迫於無奈每月多花幾百元加裝「畸寶」；選擇越多、越是挑剔，當然希望其評述員可讓我享受更勝一籌的NBA和英超。
睇波與講波不可分割，專業的體育新聞亦然，近日風聞CCTVB有意以「小花」取代體育主播，妄圖以此挽回收視；3個遙控器在手，我選擇轉台罷睇，直到還我一個專業新聞報道為止。
文：仙道彬
電郵：mailto:[email protected]