梁洛施（Isabella）為男友李澤楷再懷第二胎，身為Isabella好友的譚耀文，昨被問到好友再懷孕一事時，顯得十分驚訝說：「係呀？我唔知喎，未接到通知。如果真係證實咗係嘅話，當然戥佢開心啦，不過佢鍾意玩神秘、玩驚喜，唔知佢係唔係畀驚喜我。我會試吓同佢聯絡，恭喜佢。」記者指Isabella如此快再做媽咪時，譚耀文笑道：「可能佢基因強啦。佢上一胎係仔，如果今次係女嘅話，咁一仔一女都幾好o架。」
詹Sir李澤楷飯局
曾經教過梁洛施演戲的詹瑞文（詹Sir），昨日得悉徒弟再懷孕之事時說：「其實佢冇同我聯絡過，所以我唔知佢懷孕，如果係真，咁我恭喜佢，一個家庭係應該有兩、三個小朋友先幸福嘅，加上佢兩個咁後生，再懷孕係好事呀！今年初財爺曾俊華請食飯，吳君如、岑建勳同李生（李澤楷）都喺度，當時李生仲同我講，話Isabella託佢問候我，當晚我哋天南地北無所不談，就只係冇聽佢提起再做爸爸嘅事。」
至於曾與梁洛施合作的楊丞琳，對好友大肚毫不知情，她說：「真的嗎？我三月底與她碰面時，她氣色非常好。如果她真的又懷孕，很替她開心！」
採訪：溫敏芝、李珮洳