出爐金像影后惠英紅車輪式接受傳媒訪問，昨日她到將軍澳電視廣播城接受節目《星級廚房》訪問，周中師傅十分識做，特別為她挑了一個紅蘿蔔金像獎座，令紅姐笑逐顏開。
被膠紙扯甩皮
紅姐之前因為角逐金像獎壓力很大，除了要食鎮定劑，體重更急降至96磅，她說：「家真係太瘦，瘦到冇晒胸，金像獎着嗰件晚裝，我諗住學人戴個nudebra，但又驚自己出汗，又怕自己大動作會跣落嚟，咪搵牛皮膠紙貼住囉。之後塊膠紙黐住咗塊皮，撕落嚟成塊皮冇咗！」
紅姐希望可以增肥成功，精神飽滿迎戰將在廣州舉行的「華語電影傳媒大獎」，且她已選定戰衣，她說：「今次條裙好靚，成19萬一條裙，家仲有30日，我可以用20日增肥，又有10日再減肥，希望唔好瘦到見骨。」
採訪、攝影：楊潔雯