周日完成嘅香港電影金像獎頒獎禮，小弟對林熙蕾、張靜初等等嘅性感晚裝仍然歷歷在目外，最深刻就喺最佳男、女主角；惠英紅繼首屆後，苦等28年，再獲影后，而任達華更加首嘗影帝。
華哥喺本地影壇，可以講係最全面嘅男演員，由型爆PTU、老實鞋匠，到變態殺手、妖艷舞男都入木三分。小弟最鍾意係《跟蹤》，飾演警察狗仔隊老差骨。越平凡嘅角色，就越難做，華哥喺套戲真係由頭帶到尾。
足球比賽講全面，只得攻冇防守，成績都唔會好，阿仙奴呢排防線差到震，對韋根都失3粒，周六迎曼城唔睇好，加上有陰謀論，阿仙奴點會放死敵熱刺踢歐聯吖！
牽牛
讓球主客和：曼城勝[+1]
心得：阿仙奴防線好唔掂
近5場往績：WWWWL