睇到好的，沒有理由一次挫敗便龜縮，我仍然享受無償貼波、享受無壓力下睇波；英冠去到尾聲，仍撐黑池搭到升班附加賽尾班車，周六作客來季要降回英甲的彼德堡，單W穩開，進取博讓球主客和「客勝」。周日重心，信車仔[-2]，忘記「刺」傷。
車仔[-2]可炒史篤城
小弟在馬壇最敬重的大摩，自從去年12月中國際賽心存大慾，欲囊括3場一級賽頭馬，結果功敗垂成，全部跑第2後；馬房不合理陷入鮮見的多月低潮，逢博多失，爭霸當然沒有份兒，甚至被嘲會被踢出Big4行列。其實現時傳媒不斷提及的爭霸話題，甚至騎師王邊個會贏，對當事人根本意義不太，馬圈始終「利」字當頭，馬迷不要捉錯用神。兵源雄厚的大摩偃旗息鼓後，近日又啟動贏馬機器，連贏7天，旺到上周三谷草用陌生人賴仔也起孖，「真係估佢唔到」。所以無論足球或者賽馬，打長途賽也是路遙知馬力，這位5屆練馬師冠軍、勝出逾千場頭馬的智者，當然不是省油燈。周日大賽日精兵盡出，最有心水捧「共創未來」，要交代了。
講回足球，今周車仔[-2]不會嚇怕我，上仗敗走熱刺，過程頗古怪也不合理地差，始終極具實力；加上有機會在煞科日與紅魔鬥得失球分高下，每戰必求如上月尾大炒維拉7:1般盡數，今次只對冇目標、上仗主場也負保頓的史篤城，必捧「主勝」。
至於周六，捧黑池作客炒彼德堡。仍信前者可壓倒史雲斯搭上附加賽尾班車，早前大敗給紐卡素，事後證明只是對手太超；黑池上仗已擊倒「3哥」森林，今次作客到只值英甲水平兼殘陣的彼德堡，1.57倍W固然可出擊，但我會博[-1]。
今周推介：黑池勝[-1]（2.5）
近5場往績：LLWWW
蘋果波神
簡介：一分耕耘一分收穫，難得半夜睇波娛樂兼備，人生一樂也。捧愛隊可以好主觀，但若能客觀地從足球直播欣賞對戰雙方的表現，你會發現不少投注寶藏，啟發投注靈感。