今年個金像影帝由任達華攞咗，佢同上屆得主張家輝一樣都喺電視台打滾過，拍過唔少經典嘅劇集，但最有印象嘅劇佢都係做奸角，例如係《新紮師兄續集》嘅韓彬同埋《北斗雙雄》嘅宋波，之後佢仲幫絲帶台拍咗齣《還看今朝》，個角色就好正面同都好搶。
畸寶趁任達華啱啱攞影帝，播番佢啲舊作，早幾日先翻睇完《香港奇案之強姦》，戲內佢做黑社會大佬蛋撻，張家輝仲做佢條o靚㖭。
上周推介曼城衰咗，今個禮拜改攻日聯。愛隊浦和紅鑽06年封王後，沉咗成3季，今季似乎有啲起色。以佢哋嘅人腳，攞冠軍就冇乜機會，不過近況好，可以再追，就捧佢哋擊退磐田山葉。
青蛙仔
主客和：浦和紅鑽勝
心得：紅鑽季初好對辦
近5場往績：LWWLW