羅仲謙同黃智雯呢對無綫劇集《搜下留情》嘅情侶噚日接受商台訪問，咪前兩人不停打情罵俏，仲謙大爆拍劇時為咗培養感情，同智雯都有私下相約食飯，仲不時有身體接觸，就係拔智雯頸上嘅BB毛。黃智雯就話好欣賞仲謙有毅力練得一身肌肉，兼踢爆仲謙視古天樂為目標，講到會唔會戲假情真拍拖，佢哋話視大家為知己，超越男女之間嘅感情喎！