世界盃就到，唔少有關商品喺香港已經有得賣，就算今屆隻吉祥物唔算太過討人歡喜，但由於4年一度，相信精品銷量亦會唔錯。
至於每屆世界盃都會推出嘅集圖冊，據聞會喺下個星期就會到港，除咗有32支參賽球隊嘅球員貼紙外，亦要玩者儲齊南非各個城市嘅比賽場地，仲有官方用球同世界盃獎盃等周邊貼紙，睇官方公佈嘅數字，集齊一套要成600幾張貼紙，難度都幾大，有心儲齊一套真係要搵多啲朋友一齊玩，或者上網同人交換至得。其實，筆者最近亦對有世盃官方商標嘅電話繩扭蛋感興趣，係某便利店就有得抽，而且只係5蚊，非常抵。
阿仙奴今季兩訪曼城都輸，返回主場必定要入番對手夠本，信呢場英超開「大」。
戰鬥員A
入球大細：阿仙奴大
心得：兵工廠冇壓力料多「士哥」
近5場往績：LLWWL