永遠要走時代尖端，某啲唔肯天馬行空創新，到人家唔如意至抽水扮專家，最要不得。呢個邏輯簡單易明，一哥台著名監製戚sir就知其不可為而為之，有guts，彈佢嘅人至有問題。
小弟老婆係蔡少芬粉絲，所以我早幾日放假都陪佢睇咗集講飛女嘅新劇。類似科幻劇種，大概適合濃縮喺兩小時內嘅電影入面，以劇集形式推出困難好大。據講初步口碑係師奶睇完覺亂、後生睇完覺無聊。唔係人人都有戚sir嘅江湖地位，承受得起今次測試隨時帶嚟嘅不良後果，但肯行前嗰份精神就好值得學習。
羅馬教練雲尼亞里上場勇於換走兩大名將，都算創舉，我仲未敢講隊波能唔能夠帶到尾，但明日應該過到最後難關，小勝森多。
藍鑽石
讓球主客和：羅馬和[-1]
心得：卡斯辛奴回歸必被噓爆
近5場往績：LLWLL