粵語長片《十兄弟》中飾演飛天五嘅老牌演員高超上月底病逝，享年86歲，噚日佢遺孀同細仔高偉寧等喺紅磡萬國殯儀館設靈，今日出殯後就會安葬喺和合石墳場。雖然高超主演電影多達四百幾部，但噚日就只得胡楓送上花牌，高偉寧透露父親廿幾歲就入電影圈，做過教車師傅，之後就轉行做的士生意，所以同電影界嘅人好少聯絡。