內地壓抑炒樓，特區政府照跟，地產股噚日俾人質，影響股民情緒，恒指跌過落21206低位，不過條100日線發揮支持力，最後掃番轉頭，只跌55點，如果外圍冇大變化，港股今日可以反彈。
希臘危機近日又成市場焦點，歐元係咁跌，睇嚟歐盟會好快出手救希臘，到時歐美股市可以掃高一轉。
財險C輪18000：中國財險（2328）昨收7.68元，升0.39%。股價呢幾日喺支持位反覆整固，睇走勢好快會試8.62元，可以買啲C輪18000博正股升上8.62元。隻輪現價12.3仙，2010年12月30日到期，行使價8.09元，溢價21.4%，引伸波幅54.4%，有效槓桿率3.4倍，正股升上8.62元，18000睇17.9仙，正股跌穿7.25元就沽咗隻輪。
俊樺