溫碧霞早前到北京拍攝一個內地品牌家庭電器廣告，工作兩天便有六位數字酬金落袋，更難得是老闆竟反過來要求她毋須作性感打扮。
「一家都係我fans」
溫碧霞過往拍廣告多數穿私伙衫，今次也不例外，她帶備了多套不同造型的服飾，正當她和設計師研究如何配襯時，產品老闆主動要求不要性感，因為與家電不太配合，溫碧霞也樂於聽從。
廣告在影樓內拍攝，但場面卻相當熱鬧，因為老闆帶來一家大細及親友30多人圍觀拍攝，溫碧霞接受電話訪問說：「原來老闆一家都係我嘅fans，所以好似個旅行團咁多人睇我拍廣告，今次拍呢個家電廣告有電風扇、飲水機呢類產品，老闆仲話要送電器畀我，免費運去香港㖭，不過都係唔好麻煩人，個老闆話如果第日我喺上海或者北京置業，就送我全屋小電器，可惜我暫時都冇喺內地置業呢個構思。」
撰文：魯萍