劉雅麗前晚打敗焦媛，奪得第十九屆香港舞台劇獎的悲劇及正劇部份最佳女主角獎，她開心表示自第二屆在某酒樓捧走該獎，事隔17屆終能站在舞台上領獎，尤其在汪明荃手上接過獎項，更是開心。
由香港電台及香港戲劇協會合辦的第十九屆香港舞台劇獎前晚在香港大會堂舉行頒獎禮，結果劉雅麗憑《聖荷西謀殺案》打敗焦媛，奪得悲劇及正劇部份的最佳女主角獎，該部份的最佳男主角獎由林澤群打敗鍾景輝奪得。林保怡入圍該部份的最佳男配角，但該獎由《HellWalker》陳敏斌奪得。
唐寧睇劇情性感
劉雅麗在台上接過由汪明荃頒發的獎座後表示：「好開心喺阿姐手上領獎，我上次得呢個獎係第二屆，當時喺酒樓搞，我今次可以喺台上攞喇。」
前晚的舞台劇獎頒獎嘉賓陣容鼎盛，包括汪明荃、方力申、張家輝、蘇玉華及廖啟智等，而唐寧、張繼聰及王書麒三位曾做童星的藝人，一齊頒兒童劇推廣獎。唐寧表示：「我細細個入行，第三屆時入圍過女配角o架，不過冇獎，有提名都係bonus啦。」問她能否像焦媛在舞台劇上有大膽演出，唐寧說：「我冇定自己要點樣，我第一次做時件戲服係deepV，已經覺得好大膽，睇劇情需要先性感啦。」
張繼聰表示在演藝學院讀書時，已幫手籌辦這個頒獎禮，他指自己做童星時根本不知拍戲為何物，只知道經常有不同父母，他說：「一時梁家輝係阿爸，一時鄺美雲係阿媽。」會否讓兒子張瞻做童星？張繼聰說：「等佢識講願唔願意先啦，一家三口演出就實唔會。」他透露正與幾位朋友組劇團。
方力申掛住王菲
方力申則表示剛與家人欣賞焦媛的舞台劇《容易受傷的女人》，聽了她唱數十首王菲歌曲，很懷念，故馬上買王菲舊唱片，他又說：「我淨係做過森美小儀嗰啲舞台劇，都係好好訓練演技嘅地方嚟嘅，因為壓力好大好怕出錯，我最想同KingSir（鍾景輝）合作。」
採訪：李珮洳 攝影：彭琮然
第十九屆香港舞台劇獎部份得獎名單
最佳整體演出：演戲家族《一屋寶貝》
最佳導演（悲劇/正劇）：李鎮洲《聖荷西謀殺案》
最佳導演（喜劇/鬧劇）：鄧偉傑《笑之大學》
最佳劇本：莊梅岩《聖荷西謀殺案》
最佳男主角（悲劇/正劇）：林澤群《奇幻聖誕夜》
最佳男主角（喜劇/鬧劇）：鄧偉傑《笑之大學》
最佳女主角（悲劇/正劇）：劉雅麗《聖荷西謀殺案》
最佳女主角（喜劇/鬧劇）：文瑞興《車你好冇》
最佳男配角（悲劇/正劇）：陳敏斌《HellWalker》
最佳男配角（喜劇/鬧劇）：林澤群《搶奪芳心喜自由》
最佳女配角（悲劇/正劇）：邵美君《影子盒》
最佳女配角（喜劇/鬧劇）：黃慧慈《水中之書》
資料來源：主辦大會