台灣人氣偶像吳尊噚日專程嚟香港出席一個男性品牌嘅活動，有唔少粉絲接機，所以吳尊好快就上咗車，事後問佢會唔會參加下周一舉行嘅籌款晚會，佢話：「冇人通知過我，加上我又有嘢要做，所以去唔到，連錄音都去唔到。但係我有留意事態發展，我同公司都有捐錢，仲同fans講，叫佢哋唔好買禮物畀我，將啲錢攞去做善事。」