賭王何鴻燊返家休養後，康復進度神速，已經可以在花園散步。賭王女兒何超瓊前晚在灣仔出席珠寶品牌活動時透露賭王的信德辦公室已開始裝修，為賭王返工作準備。超瓊又指父親最想遊埠，她笑言會居中協調，舉家坐6架私人飛機、40多人同行。
何超瓊、林建岳女友Monica、陳奕迅（Eason）、龔如心契女徐文玠和翁嘉穗等，前晚在灣仔出席珠寶品牌VanCleef&Arpels活動。超瓊透露賭王父親身體日漸精神，每日都行花園散步，她說：「信德嘅office都翻新緊，成個寫字樓兩年前開始翻新，但爹哋太忙，佢個office都空唔到出嚟裝修，用咗十幾年，家整囉。」
期待回歸Ball場
問到是否加建特別安全設施？超瓊說：「冇，係改動吓啲物料，爹哋都活動自如，佢好多諗頭想點整。但啲古董嘢、花樽呀，成座山咁大，都唔敢郁佢。」賭王是否很想返工？超瓊說：「唔係，佢最想去旅行，個個太太都邀請佢去，最好一齊去啦，6架飛機、40幾個人一齊出發。」她表示負責協調各房，問到賭王何時回歸Ball場？她信心十足說：「好快！」
徐文玠火速收身
此外，Eason之前演唱會獲品牌贊助蝴蝶胸針，他透露換衫時更整爛及遺失了部份，幸好品牌大方，沒有要求賠償。至於龔如心契女徐文玠透露月前誕下第二個女兒Eliette，現時集中火力湊BB，未有計劃再生。
採訪：梁錦雯
攝影：陳順禎