徐濠縈最近玩微博玩上癮，更為護愛女向fans發火，老公陳奕迅（Eason）更讚她有性格。她前晚直認覺得微博是好平台，讓她有寃屈不滿可即時平反，又可以宣傳分享做生意，她更開心宣佈下月底時裝店Liger將開到九龍區。徐濠縈更重申愛女第一、事業第二、Eason只排第三位。
年輕品牌b+ab前晚在金鐘舉行2010春夏時裝騷，由8位青春模特兒示範今季以快樂嬉皮士、浮誇80年代為主題的新裝，徐濠縈、謝婷婷和江若琳等出席。
剛由台灣回港的徐濠縈，最近密密玩微博，她說：「係呀，個個都有，之前有blog，微博真係幫到我事業同生意，又可以同fans分享生活點滴，有乜事都可以平反，係一個好好嘅平台。」她之前為護愛女在微博向fans發火，她說：「我唔抵得頸，其實係應該接受批評，但涉及我個女就唔得囉。Eason知件事，喺度笑，佢唔會夠膽直接講，我會囉，佢讚我有性格，可能佢要面對嘅人比較多，我就冇咁圓滑。」徐濠縈昨日又上載了和大劉女友甘比嘆茶的相。
事業衝刺開分店
徐濠縈透露現時時裝生意、湊女已夠忙，不會復出拍戲，她開心說：「家都叫殺出一條血路，時裝店喺尖沙嘴會開第二間舖，進攻九龍區，好開心，生意、屋企好滿足現狀。」分身不暇？她說：「個女首要守護，事業第二啦。」Eason豈非第三？她說：「都要o架喇。」
婷婷肯嫁安志杰
此外，安志杰前天公開表示要向狄波拉提親娶謝婷婷，婷婷昨日被現場記者恭喜婚訊，初時一頭霧水，搞清楚後才甜笑說：「大家商量過囉，佢係一個好傳統嘅人，最緊張長輩。」今年結婚？她說：「未正式，太趕喇。」是否肯嫁給安志杰？她即說：「我肯，我哋一齊都係o架喇。家工作緊要啲，已經有共識，只係爭張紙，爭個婚禮同戒指。我哋結婚一定會公開，其實只要簡單一家人一齊就得。」
採訪：LawWaiMan
攝影：EdwardChou
