花旗股市連升兩日，反映投資者對美證監控告高盛事件的負面情緒已經減弱，歐洲嗰邊嘅航空交通逐步回復正常，會係歐美股市炒上嘅藉口，港股噚日雖然先升後跌，但係如果外圍股市造好，恒指仲有機會炒上試10日線。
內地股市反彈係另一個利好港股嘅發展，短炒可以留意技術走勢轉強嘅股份。
華潤置地C輪21104：華潤置地（1109）昨收14.74元，升1.4%。股價由18元水平反覆回落，噚日開展反彈，短線有機會試16.00至16.50元，可以諗吓隻C輪21104，隻輪現價15仙，2010年12月10日到期，行使價16.68元，溢價23.3%，引伸波幅48%，有效槓桿率4.3倍，正股見16.50元，21104睇23.7仙，正股跌穿14.00元就沽咗隻輪。
俊樺