惠英紅重奪金像影后殊榮，前晚她的一班好友包括鍾慧冰、林建明（大姐明）、文雪兒及洪羅拔等，在灣仔設宴為她慶祝，大姐明帶來法國訂購的香檳及白蘭地到場，還送上紅心吊墜給惠英紅，鍾慧冰則送水晶小熊吊飾，祝惠英紅早日覓得如意郎君，她們稍後還會組團到廣州，為惠英紅角逐內地傳媒大獎打氣。
靜待意中人
惠英紅說：「今晚嚟嘅都係多年好友，識咗唔夠20年嘅都入唔到門口。」她為得獎仍興奮之極，早前錄影無綫節目時還感動得哭起來，她說：「好對唔住許鞍華，嗰晚講謝詞想講《幽靈人間》，講錯咗，佢一直對我好有信心，我好多謝佢，我從來冇對佢講過感激，怕人話我撈，淨係過年傳短訊咋。」談到現時只缺男伴，惠英紅說：「感情唔可以強求，我信相士話最快下年嘛。」
撰文：丁寧