唐詩詠同苟芸慧噚日扮到靚靚幫旺角一間醫學護膚品牌開幕剪綵，吸引一位癡情男fans想衝上前攞簽名，好彩有保安頂住，佢哋先冇咁驚應承簽名。唐詩詠噚日件衫有啲離罩，問佢想唔想豐胸？佢話問過同劇男演員，好多都話睇女人皮膚緊要過胸大。講到無綫劇集《鐵馬尋橋》收視好好，佢話會再慶祝，監製李添勝諗緊原班人馬再合作。