剛在香港電影金像獎中憑《十月圍城》奪得最佳男配角的謝霆鋒，下月再做老竇，其太太張栢芝臨盆在即，連日來湊乖仔Lucas返學放學的工作交給姊姊戴碧芝負責，昨日戴碧芝駕車接載Lucas返栢芝的舂坎角寓所。
繼徐淑敏、李克勤太太盧淑儀和趙薇後，張栢芝也將於下月誕第二胎。由於栢芝臨盆在即，近日已減少外出，以便專心準備做第二任媽咪，連日來接送Lucas（謝振軒）返學放學的工作，也交由同母異父的姊姊戴碧芝負責。
昨午12時20分，戴碧芝駕駛私家車接載Lucas返回栢芝與霆鋒舂坎角寓所，同行還有一名小女孩，估計是戴碧芝的女兒。小女孩一落車即跑進大廈，Lucas則拿着書包蹦蹦跳的走來走去，戴碧芝見狀遂一手將Lucas抱起返回大廈。
謝賢：栢芝食得瞓得
記者昨日致電霆鋒的父親謝賢（四哥），他表示日前也有看霆鋒攞獎，並為兒子再度攞獎而高興，他說：「我開心唔係因為霆鋒攞獎，而係因為佢演技俾人認同。」下月霆鋒再做老竇，可覺得是雙喜臨門？四哥笑說：「哈哈，都係o架！」可會為霆鋒攞獎慶祝？他說：「唔使啦，慶祝嘅嘢留番俾啲後生做，我哋呢啲老人家唔使o架喇。」問栢芝現況怎樣，四哥表示間中也會探望栢芝，並指她的精神和胃口不俗，他說：「食得瞓得，幾好呀。」
霆鋒大前晚在金像獎慶功宴逗留一小時後便匆匆離開，趕返家與妻子分享喜悅，前日霆鋒又立刻起程返內地為新片《新少林寺》埋尾，認真頻撲。
採訪、攝影：黃文偉、李志明