原先啲人估，經已由英超降班、一屁股債嘅樸茨茅夫，爭落人哋7,000萬鎊，但條數原來唔止咁少，去到成1.19億鎊（約14.2億港元）；但佢哋嘅接管人安祖尼古竟然仲話，呢條數應該唔會嚇走對樸茅有興趣嘅買家。問題係佢哋下季再唔係英超隊，邊有人肯掟成億鎊出嚟救一隊英冠隊呀？另外，朗斯原先淨係肯畀迪丹尼打英足盃，但家陣屈服，即是迪丹尼可幫樸茅踢埋餘下3場英超，而唔會收樸茅400萬鎊借用費。如果迪丹尼嚟緊對車仔場英足盃決賽有表現，今夏應該可以用靚價賣甩佢，計落除笨有精。