隔牆有耳:警隊一哥:冇睇心理醫生 - 李八方

隔牆有耳:警隊一哥:冇睇心理醫生 - 李八方

警隊一哥鄧竟成近排被指因面對排山倒海嘅警隊醜聞,壓力爆煲而要睇心理醫生,提早劈炮嘅佢一直冇公開露面交代事件,噚日佢終於公開亮相,出席恒生銀行舉辦嘅撲滅青少年罪行比賽記者會。
可能就快無官一身輕,一哥噚日一改對傳媒拘謹嘅態度,表現風騷幽默,輕鬆自若。佢話明年就57歲,已屆退休年齡,會按正常程序申請退休,強調屬正常安排,並非提早退休。佢又多次強調自己身體健康良好,從來冇睇心理醫生,可以應付日常嘅工作,又有繼續做運動。至於係唔係明年1月就起身,SorrySir賣關子冇正面回應,話會喺適當時候公佈。