人人都諗住紐卡素喺前晚作客普利茅夫場英冠會留一留，留番下場返主場聖占士公園對葉士域治先至贏波捧盃；點知前晚佢哋精銳盡出，路蘭、古費利、阿倫史密夫同安祖卡路爾等主力都正選登場，結果憑安祖卡路爾同魯迪治各入一球贏2:0。家陣紐記44戰得98分，比排第2嘅西布朗多9分，提早兩輪成為英冠冠軍。紐記唔放水就搵着普利茅夫嚟搞，家陣佢哋比尾4嘅水晶宮少6分，餘下兩場要大勝，兼要博水晶宮大敗先至有機會留級。所以話，普利茅夫真係多得紐記唔少。