受涉貪事件困擾嘅陳志雲，噚日透過鄧耀榮律師發表聲明，指噚日出版嘅《東周刊》報道不實，由於涉及陳志雲嘅宗教信仰，陳志雲深感遺憾，所以要作出澄清。聲明中話陳志雲從來冇直接或間接委託任何人進行種生基或類似活動，佢都唔認識風水師俞志麟，又從來冇直接或間接接觸俞先生，對於有關報道，陳志雲會保留一切追究權利。