出爐金像影后惠英紅在頒獎台豪情快語指自己屬於電影，優秀的演員與出色的導演自然惺惺相惜，她聽到金像編劇羅啟銳和影帝任達華稍後將合作拍攝一部懷舊片，講述百年前華工到舊金山起鐵路的血淚史，小紅覺得故事十分感人，希望與二人結片緣，實行金像鐵三角在水銀燈下過招。
電影《歲月神偷》令港產片掀起懷舊熱潮，該片導演兼編劇羅啟銳更在大前晚摘下金像獎最佳編劇，早前他透露暑假後會斥資約8,000萬元開拍另一部懷舊電影，講述百年前華人被賣豬仔過埠到有舊金山之稱的三藩巿起鐵路的故事。羅啟銳已選定男主角是出爐金像影帝任達華，但女主角人選仍未有心水，出爐影后惠英紅透露希望有機會跟兩人合作，組成鐵三角陣容。
從影33年的小紅，雖然與不少導演水銀燈下交過手，但仍有漏網之魚，仍期望遇到其他伯樂，她早前恨完攞影后，最近又恨跟羅啟銳合作。
小紅日前說：「我之前未攞獎，一直都恨同華仔（任達華）一齊捧獎，一齊影合照，家達成，又好想有機會一齊喺銀幕合作，羅啟銳都係我好欣賞嘅導演，希望大家將來有機會合作。」
雖然合作方案有待拍板，但小紅希望有機會向另一導演許鞍華（Ann）報恩，小紅說：「當日導演何宇恆賞識搵我拍《心魔》，全憑阿Ann做中間人畀咗我嘅聯絡方法佢哋。」如願封后，問小紅可願意免片酬向許鞍華謝恩，她豪氣說：「呢啲嘢冇計。」
羅啟銳：開會傾吓
聽到小紅大膽自薦，羅啟銳非常欣賞，他昨日在電話中說：「我都好想同小紅合作，佢係一個好出色嘅演員，等我同公司開會傾吓。」談到頒獎禮當晚小紅上台講得獎感受，羅啟銳說：「好感動，我希望佢唔好放棄，唔好嘥咗影圈一個咁好嘅演員。」
採訪：比華利
攝影：仇志德
服裝、場地：ESCADA（ifc）
