花旗股市前晚先跌後反彈，道指曾經跌穿11000關，收市倒升73點。企業公佈業績理想，如果冇新嘅壞消息，花旗股市可以繼續靠穩。
港股勁跌兩日之後，噚日追回218點，報收21623，不過成交縮咗，睇嚟好快會進入整固階段。中移動（941）升3.3%收市，報80.20元，睇嚟暫時靠佢撐住個市。
昆侖C輪19857：昆侖能源（135）昨收10.80元，升6.3%，同前日好似兩個世界，股價試10元關之後生猛晒，如果升破11.50元，睇12.30元，可以諗吓隻C輪19857。隻輪現價13.5仙，2010年11月12日到期，行使價11.88元，溢價22.5%，引伸波幅54.6%，有效槓桿率3.9倍，正股見12.30元，19857睇21.7仙，正股跌穿10.20元就沽咗隻輪。
俊樺