今年協助「藍魔鬼」杜克大學贏得校史第4座NCAA冠軍嘅前鋒辛格拿（圖），好識諗咁周一宣佈決定留番喺K教練身邊「修行」，密謀幫杜克衞冕NCAA，以提高明年選秀會嘅身價；我求大俠都認為獲得今屆MOP（最傑出表現球員）嘅辛格拿100%決定正確，話晒NBA今夏嘅焦點都放咗喺「大帝」勒邦占士、獲迪等自由身球員動向，一年一度嘅NBA選秀注目度，肯定冇過去幾年咁受傳媒關注；加上「狀元」大熱為肯塔基大學後衞華爾（JohnWall），辛格拿繼續苦練球技，明年一定會有更大回報！