花旗股市上禮拜五顯著下跌兼沽壓大，噚日港股梗冇運行，恒指下跌460點，兩日加埋唔見700幾點，不過成交冇大變化，而且正股下跌股數一度超過1000隻，收市仲有986隻，即係話散戶爭相沽貨，恒指落到100日線，暫時應該守得住，若短線反彈，21900至22000會有阻力，如果升唔破，會再回試支持位。
港交所C輪21502：港交所（388）昨收133.10元，跌1.4%。大市氣氛轉差，但冇影響成交，後市可睇好，有機會再上試140元，可以諗吓隻C輪21502。隻輪現價5.2仙，2010年8月2日到期，行使價140.88元，溢價9.8%，引伸波幅28.8%，有效槓桿率9.9倍，正股見140元，21502睇8.4仙，有6成升幅，正股跌穿130.00元就沽出。
俊樺