陳德森憑《十月圍城》得最佳導演獎，他在拍攝時患上抑鬱症，劉偉強及陳可辛遂加入執導卻沒掛名；陳可辛前晚在慶功宴上說：「可惜佢（陳德森）喺台上冇講，呢部戲係好有香港精神，背後有好多問題同天災人禍，導演病咗，大家眾志成城完成部戲，一個電話即刻幫拖，大家都冇出名，喺呢個物質計算嘅年代，好少導演肯咁做，又冇收錢，都係唔想衰畀人睇。」
陳可辛讚實至名歸
被問到陳德森得獎是否實至名歸？陳可辛說：「冇佢十年嚟嘅堅持同天真，電影已經夭折，我唔係天真嘅人，佢係實至名歸嘅。」陳德森得悉被指天真後說：「我覺得史匹堡都好天真，冇情懷感覺拍唔到可愛電影。」談到抑鬱症，陳德森說：「好似傷風感冒，每個城市人都有，睇幾時爆燈，我會繼續天真。」
陳德森旗下的三木製作公司最近與天映公司宣佈將合作拍兩部電影，除一部現代動作片外，還有一部是翻拍邵氏片庫中的經典電影。採訪：魯萍、張俊銘
攝影：仇志德