陶君行噚日喺報紙發表咗篇題為《516是民主對法西斯的抗戰》嘅文章，文中除咗力插政府啱啱公佈嘅政改方案點樣爛，仲以社民連主席身份號召黨員同支持者，從今開始唔好再「苛責」終極普選聯盟嘅策略失敗，呼籲佢哋放下對參與聯盟嘅政黨同團體嘅指控同疑惑，展開溝通，促使兩條爭取民主嘅路線合流。
團結就是力量
阿陶話佢咁講係因為政府個政改爛方案出台之後，一啲社民連成員同支持者猛鬧普選聯嘅談判路線失敗，但佢覺得呢個階段，泛民唔應該再就路線問題爭拗落去，大家應該回歸到公投運動上面，咁同北京交手先有談判籌碼。佢稍後會正式接觸普選聯召集人馮偉華、民主黨主席何俊仁傾吓呢個問題。
普選聯計劃5月2日大遊行以示對政改方案不滿，社民連亦會參加，阿陶已呼籲去遊行嘅社民連支持者屆時唔好揶揄普選聯嘅成員，希望大家可以一齊爭取普選，團結就是力量。