爾冬陞監製的電影《竊聽風雲》前晚在金像獎中僅得最佳剪接一獎，難免令人跌眼鏡，一眾台前幕後在頒獎禮後到半島酒店慶功。問男主角劉青雲會否對成績感到失望？他笑說：「冇呀，年年都係咁，期望下一年啦。」爾冬陛也帶同老婆出席，問他有沒失望？他說：「唔會，我哋係常客，唔通成日攞咩。」
出席吳彥祖婚禮
頒獎禮上，爾冬陛表示最感動是看到惠英紅得影后及上台致辭，他說：「我哋呢行好易因為壓力而跌到谷底，創作時又怕冇靈感，怕冇人搵。我呢個月喊咗兩次，一次係今晚，另一次係之前Daniel（吳彥祖）結婚，我都有出席，見到佢哋結婚又令我感動到喊。」
問爾冬陞有否在南非吸取靈感撰寫新劇本？他說：「其實每個地方都係一樣，拍戲唔一定要打，《歲月神偷》令我有好大啟發。」他又認為影帝任達華和最佳導演陳德森，得獎皆是因多年努力得來的成績。
採訪、攝影：溫敏芝