現年73歲的香港元老級武術指導劉家良，昨晚獲《金像獎》頒發終身成就獎，他先與太太翁靜晶十指緊扣行紅地毯，以行動粉碎感情有變傳聞。記者問劉家良會否慶祝時，他說：「家咪慶祝緊，好似結婚咁！」問到他的健康狀況怎樣，在旁的翁靜晶說：「冇事，2月嗰陣因為肺炎入院3星期。」翁靜晶則說：「緋聞呢啲嘢因為樹大招風，今日你哋都見我哋拖晒手咁恩愛，唔使懷疑。」劉家良則謂：「我個人唔會咁古老。」
黃飛鴻第四代傳人
商務及經濟發展局局長劉吳惠蘭昨晚頒發終身成就獎予劉家良，全場觀眾起立鼓掌。劉家良邀請太太一起上台領獎，二人並先在台下擁抱。大病初癒後首次亮相螢光幕的劉家良精神不俗，他在台上笑說：「我唔識講嘢，打就得。我爸爸劉湛係打洪拳，林世榮係佢師傅，而林世榮師傅係黃飛鴻，我係黃飛鴻第四代，佢交低畀我嘅遺產就係功夫。」