國內醫療改革係今年市場熱話，尤其係今年2月份內地相關部門公佈關於公立醫院改革試點的報告後，一眾醫藥股均各自綻放升浪，而且，受惠炒上的股份統統都係受惠國策扶助的行業。
明天將公佈去年業績的銘源醫療（233），近期股價已見異動，似乎係睇定業績先炒。該股去年度上半年營業額2.08億元，上升35%，盈利則增加8%至8874萬元，毛利率維持在82%水平。
銘源醫療主營製銷蛋白芯片及相關設備，以及提供子宮頸癌保健及經營持有51%股權的上海市虹口區婦幼保健院。旗下多項檢測及產品均已列入「上海醫保名錄」之中。集團亦與中國人壽（2628）有業務合作，採用其產品。其中，銘源去年購入從事研發DNA技術及產品，包括專為檢測子宮頸癌而設之SniperHPVDNA產品系列。子宮頸癌檢測屬近年保健熱潮之一，料有關項目有助成為集團另一增長點，可能因此吸引到資金先炒為快，照個勢睇，短線可挑戰1.6元。
方星俠