《蘋果》噚日報道，一位司法機構員工投訴，佢申請咗做5.16補選嘅工作人員，上個月初獲直屬主管批准翌日請假，但部門一名高級司法行政主任其後發出緊急電郵，指示各主管唔好批准員工喺5月17日放假。
司法機構噚日正式回應，話就員工申請擔任5月16日補選投票兼點票工作一事，司法機構一貫立場係各組別主管應盡量容許員工申請，同時確保法庭日常運作順利；近日司法機構了解到，有個別同事對如何處理員工申請喺5月17日休假一事有誤解，所以司法機構已經喺4月16日，特別向各組別主管發出通知，再次清楚解釋司法機構立場，強調各組主管應盡可能批准同事5月17日嘅休假申請。