黎耀祥噚日喺樂富中心出席活動，近日祥仔同囝囝合作拍廣告，祥仔話：「導演原先唔係諗住我哋一齊拍，不過試鏡嘅小演員表現又未如理想，導演有次見到我個仔，覺得佢外形都可以，加上廣告題材講親子，咁先叫我哋一齊拍。」但祥仔唔想個仔影響學業，佢表示囝囝拍廣告只此一次，加上佢認為兒子性格主觀，暫時唔適合群體工作。