蔡卓妍（阿Sa）和鍾欣桐（阿嬌）合體演唱會前晚開鑼，分別經過失婚和淫照事件洗禮後再度登台，感觸到相擁而哭，久未上紅館台板的阿嬌更明顯緊張頻頻甩漏，跳起又跌倒。兩人舊愛鄭中基和麥浚龍（Juno）前晚未有現身，阿嬌表示Juno太忙未能到場及未有致電打氣，可謂再見不是朋友。
組合Twins為紀念成立10周年，前晚在紅館舉行一連三場「Twins人人彈起2010演唱會」，主角蔡卓妍和鍾欣桐經過失婚及淫照事件後再度登紅館開騷，總括現場反應依然熱烈，難得不少fans仍不離不棄，難怪唱至尾聲時阿Sa和阿嬌都感動至熱淚盈眶，雙眼通紅地唱《相愛6年》。
唱歌跳舞慢半拍
當晚Twins合共換了六套衫登場，接近尾聲時，阿Sa和阿嬌剖白心情，阿Sa說：「出道已經10年，可以再開演唱會真係要多謝每一位，繼續支持我哋好唔好？」阿Sa說時嗚咽眼濕濕，阿嬌聞言也雙眼通紅說：「我冇諗過可以再企喺紅館嘅台上。」接着兩人唱《相愛6年》，但當中把6年改為10年，阿Sa和阿嬌一度相擁而哭。現場見Twins的表現，阿嬌明顯較為緊張，不時慢半拍入歌，跳舞又慢半拍，幸好有阿Sa在旁執生才未有出醜。嘉賓古巨基則於安哥環節出場，大講爛gag。
Twins於晚上11時半完騷，之後眾人在後台開香檳慶功，有人提議各人跳起配合演唱會主題，但當穿上高踭鞋的阿嬌跳起落地時，卻向後仆撞向佈景板，發出一聲巨響，認真失禮。問阿嬌是否很緊張？她說：「我一升上台已經想喊，見到阿Sa又想喊。」阿Sa踢爆她更狂流鼻涕很惡頂。
阿嬌的前男友麥浚龍未有出現，阿嬌說：「我有問佢，但佢話唔得閒唔嚟，亦都冇打畀我。」當晚兩人把歌酬約6位數字捐給青海地震的災民。
阿Sa拒談鄭中基
問阿Sa有否送門票給與她正辦理離婚的鄭中基？她說：「我冇飛，媽咪都要坐200幾蚊位咋。」再追問她若有門票會否送給鄭中基？她最終都表示不回應。
採訪：胡比
攝影：黃偉雄