近日行過地鐵站，見到電影《白夜行》嘅海報，我對呢套戲都幾熟悉，因為既睇過東野圭吾嘅原著小說，亦睇過由山田孝之與綾瀨遙主演嘅日劇，今次由韓國人翻拍，由高修同孫藝珍做男女主角，我個人認為，高修比山田更加似東野圭吾筆下嘅男主角桐原亮司。
不過電影版最吸引我嘅地方，反而係由南韓影帝韓石圭主演，調查男女主角嘅幹探，韓石圭一向好戲，佢唔靚仔但好有型同有魅力，如果電影版可以由佢飾演嘅幹探角度出發，加重佢嘅戲份就仲好。
既然講開南韓電影，今次就推介南韓波！城南一和周日迎戰FC慶南，表面上係前列大戰，但FC慶南之前嘅對手實力一般，根本未受過考驗，周日訪城南一和隨時現形，梗係捧一和W啦！
吾中
主客和：城南一和勝
心得：FC慶南未受考驗
近5場往績：LWLLW